Oddur Þorkell Jóakimsson Buckm
Líf & Heilsa
19. júní, 2012
Jónsmessunótt dregur nær.
24. Júní er dagur daggarinnar.Nú er ráð að sækja í sig veður og undirbúa sig fyrir Jónsmessunótt. Það er ekki á hverjum degi að döggin er eins öflug og akkurat þessa ögurstund náttúrunnar. Það er nefnilega þannig að dögg er mjög mikilvæg, sér í lagi ef þú ert galdramaður eða galdrakona. Ef einhver er svo tæknilegur að geta safnað íslenskri dögg í miklu magni þá er beðið eftir slíkum munaði í röðum erlendis. Fyrsta skrefið er þó að velta sér vel og innilega nakin uppúr dásamlegri dögginni. Helst alla daga en ef ein nótt skal vera þá er Jónsmessunótt sú hin allra heilagasta.
Jónsmessunóttin, aðfaranótt 24. júní, er ein þeirra fjögurra nátta í
íslenskri þjóðtrú sem taldar eru hvað magnaðastar og þá geta alls kyns
dularfullir hlutir gerst. Hinar næturnar eru allar í skammdeginu:
Jólanótt, nýársnótt og þrettándanótt. Sagt er að á Jónsmessunótt fljóti
upp ýmiss konar náttúrusteinar sem geta komið að góðu gagni. Þá má
einnig finna ýmis nýtileg grös.
Samkvæmt íslenskri þjóðtrú er heilsusamlegt að velta sér upp úr dögginni á Jónsmessunótt.
Það er algengur hugsunarháttur í þjóðtrú að sé farið út fyrir það sem myndar einhverja heild skapist hættuástand; alls kyns öfl, bæði góð og ill, leysist úr læðingi eða hlutir öðlist sérstaka eiginleika. Þetta á til dæmis við þegar einu ferli lýkur og annað tekur við. Þegar einum degi lýkur og annar hefst, klukkan tólf á miðnætti, fara hin myrku öfl á stjá; hið sama gerist þegar árinu lýkur, á nýársnótt og þegar sólin nær hápunkti á hringferli sínum á Jónsmessunni. Eitt af því sem magnast upp og öðlast sérstakan lækningamátt á Jónsmessunóttinni er döggin. Þess vegna er það gömul trú að mjög heilnæmt sé að velta sér nakinn upp úr dögginni þessa nótt. Geri menn það batna þeim allir sjúkdómar og þeim verður ekki misdægurt næsta árið á eftir.
Samkvæmt íslenskri þjóðtrú er heilsusamlegt að velta sér upp úr dögginni á Jónsmessunótt.
Það er algengur hugsunarháttur í þjóðtrú að sé farið út fyrir það sem myndar einhverja heild skapist hættuástand; alls kyns öfl, bæði góð og ill, leysist úr læðingi eða hlutir öðlist sérstaka eiginleika. Þetta á til dæmis við þegar einu ferli lýkur og annað tekur við. Þegar einum degi lýkur og annar hefst, klukkan tólf á miðnætti, fara hin myrku öfl á stjá; hið sama gerist þegar árinu lýkur, á nýársnótt og þegar sólin nær hápunkti á hringferli sínum á Jónsmessunni. Eitt af því sem magnast upp og öðlast sérstakan lækningamátt á Jónsmessunóttinni er döggin. Þess vegna er það gömul trú að mjög heilnæmt sé að velta sér nakinn upp úr dögginni þessa nótt. Geri menn það batna þeim allir sjúkdómar og þeim verður ekki misdægurt næsta árið á eftir.